អក្សរសាស្ត្រខ្មែរ: សេចក្តីផ្តើម

ភ្នំពេញជារាជធានីនៃព្រះរាជាណាចក្រកម្ពុជាដែលមានផ្ទៃដី៤១គ.មការេ មានទីតាំងស្ថិតនៅត្រង់ទីប្រសព្វគ្នារវាងទន្លេបួនគឺ៖ទន្លេមេគង្គលើ ទន្លេមេគង្គក្រោម ទន្លេសាប ទន្លេបាសាក់(សព្វថ្ងៃគេហៅថាទន្លេចតុមុខ) ហើយដែលគេចាត់ទុកជា មជ្ឈមណ្ឌលឧស្សាហកម្ម ពាណិជកម្ម និងទេសចរណ៍ ។ វាជាតំបន់មួយរស់នៅលាយចម្រុះដោយពួកអាស៊ីដែល

មានចំនួនប្រជាជនទាំងអស់ប្រមាណ ១.១៤ លាននាក់(ស្ថិតិ១៩៩៩) ។ ដោយសារកត្តានេះហើយទើបគេតែងនិយាយថាភ្នំពេញជាបេះដូងនៃព្រះរាជាណាចក្រកម្ពុជា ។ គួបផ្សំនឹងទេសភាពដ៏ស្រស់ត្រកាលពីធម្មជាតិព្រមទាំងប្រវត្តិរឿងរ៉ាវពីអតីតកាលរបស់ខ្លួនថែមទៀតនោះ បានញ៉ាំងឳ្យភ្នំពេញក្លាយជាកន្លែងដ៏គួរឳ្យចាប់អារម្មណ៍ពីសំណាក់ភ្ញៀវជាតិ និងអន្តរជាតិ ។

តាមពង្សាវតាខ្លះ បាននិយាយថាភ្នំពេញ មានន័យថាជាភ្នំរបស់យាយពេញ ដែលគាត់បានកសាងឡើងក្នុងឆ្នាំ១៣៧២ហើយមានដើមទងថា៖ យាយពេញជាស្ត្រីមេម៉ាយស្តុកម្នាក់ ផ្ទះរបស់គាត់តាំងនៅលើទីទួលខ្ពស់មួយនៅត្រើយខាងលិចនៃទន្លេច្រាបឈាម(ទន្លេចតុមុខសព្វថ្ងៃ) ។ នារដូវវស្សាទឹកជំនន់ប្រទេសឡាវបានធ្វើឳ្យបាក់ដើមគគីរជាច្រើន ហើយហូរអណ្តែតមកតាមទន្លមេគង្គរហូតដល់ទន្លេច្រាបឈាម ហើយក្នុចំណោមនោះមានដើមគគីរធំមួយបានអណ្តែតមកទើរនៅមាត់កំពង់ ដូនពេញនោះ។ គាត់និងញាតិមិត្តជិតខាងបានស្រង់យកដើមគគីរនោះមកឃើញមានរូប ចម្លាក់សំរិទ្ធិបួននិងបដិមាព្រះពុទ្ធធ្វើពីថ្មមួយ ។ បន្ទាប់មកគេក៏នាំគ្នាដង្ហែរព្រះពុទ្ធរូបទាំងនោះមកតំកល់លើដំបូកមួយ ហើយនាំគ្នាពូនដីនៅភាគអគ្នេយ៍នៃផ្ទះរបស់ដូនពេញ ។ គេបានយកដើមគគីរនោះមកធ្វើជាព្រះវិហារតូចមួយសម្រាប់តំកល់ទុកពុទ្ធបដិមានៅទីនោះ ។ អាស្រ័យហេតុដូចនេះ ទើបគេសន្មតហៅភ្នំនោះថា « ភ្នំពេញ » តែក្រោយមកក្លាយជាភ្នំពេញរហូតដល់សព្វថ្ងៃ។

គួរកត់សម្គាល់ថា មានការផ្លស់ប្តូររាជធានីជាច្រើនកន្លែងជាបន្តបន្ទាប់ ទៅតាមសម័យកាលនៃស្តេចនីមួយៗដែលគ្រប់គ្រងប្រទេស ។ ទីក្រុងភ្នំពេញជាទីក្រុងទី៦ហើយ បន្ទាប់ពីនគរភ្នំ អង្គរវត្ត លង្វែក ឧដុង្គ និងស្រីសន្ធរ ។

ឆ្លងកាត់អស់ជាច្រើនជំនាន់ ច្រើនដំណាក់កាល បច្ចុប្បន្នភ្នំពេញបានប្រែមុខមាត់ថ្មីរបស់ខ្លួនដោយមានការអភិវឌ្ឍយ៉ាងស្រស់បំព្រងទ្វេឡើង ។ ប៉ុន្តែទន្ទឹមនឹងការរីកចម្រើននេះ ភ្នំពេញបានបន្សល់ទុកនូវស្លាកស្នាមអនុស្សាវរីយ៍ចាស់ៗដែលកប់ទៅតាមអតីតកាលរបស់ខ្លួន ។ តួយ៉ាងដូចជាឈ្មោះនៃទីកន្លែងជាច្រើនដែលត្រូវបានលុបបាត់ ហើយដែលមានតែមនុស្សវ័យចំណាស់ភាគតិចប៉ុណ្ណោះដែលនៅចងចាំ និងបានស្គាល់ ។

ឈរលើមូលដ្ឋាននេះហើយទើបក្រុមនិស្សិតយើងខ្ញុំព្យាយាមស្រាវជ្រាវរកទីតាំង និងឈ្មោះទីកន្លែងដែលកប់បាត់ទាំងនោះដើម្បីទុកជាឯកសារ ក៏ដូចជាផ្តល់នូវការយល់ដឹង(ស្គាល់)សម្រាប់មនុស្ស្ជំនាន់ក្រោយៗទៀត ហើយតាមរយៈនៃឯកសារមួយចំនួន រួមនឹងការចុះសាកសួរព័ត៌មានផ្ទាល់តែម្តងនោះ ក្រុមនិស្សិតយើងខ្ញុំបានទទួលចម្លើយពិស្តារនៃប្រវត្តិរឿងរ៉ាវពីតំបន់ភូមិសាស្ត្រមួយចំនួន ។

អក្សរសាស្ត្រខ្មែរ

Saturday, November 22, 2014

សេចក្តីផ្តើម

No comments:

Post a Comment

សូមស្វាគមន៍

ទំព័រ