ព្រះ​បទុម​ត្ថេរ​សោម(១៨៥២ - ១៩៣២)

១.ប្រវត្តិ​និង​ការ​សិក្សា

      ភិក្ខុសោម​ មាន​នាម​ដើម​ថា ងួន​ សោម​ កើត​នៅ​ឆ្នាំ​១៨៥២​ នៅ​ភូមិ​កំព្រៅ ឃុំកំព្រៅ​ ស្រុក​ស៊ីធរកណ្តាល​ ក្នុង​ខេត្ត​ព្រៃវែង។​ ឪពុក​លោក​នាម​ ងួន​ និង​ម្តាយ​នាម​ យិន ជា​កសិករ​ធុន​មធ្យម នៅ​ភូមិ​កំព្រៅ។ លោក​មាន​បង​ប្អូន​ប្រាំពីរ​នាក់​ សុទ្ធ​តែ​ប្រុស​ គឺ​ឈ្មោះ សរ​ នង​ កិម​ អុក​ ស្រី​ សោម​ និង​សម។​ កុមារ​សោម​ជា​កូន​ដែល​មាន​ចរិត​ស្លូតបូត​សុភាព​រាបសារ​ជាង​គេ​ ហើយ​កាល​ពី​កុមារ​លោក​មាន​ចំណូល​ចិត្ត​ខាង​តន្រ្តី​និង​កំណាព្យ។

ឧកញ៉ាវិបុលរាជសេនានូ កន (១៨៧៤-១៩៤៧)

១. ប្រវត្តិ​ និង​ការ​សិក្សា

      ឧកញ៉ា​នូ កន កើត​នៅ​ឆ្នាំ​១៨៧៤ នៅ​ឃុំ​អង្គតាសោម ស្រុក​ត្រាំកក់ ខេត្ត​តាកែវ នៅ​ក្នុង​គ្រួសារ​កសិករ ឳ​ពុក​ឈ្មោះ នូ ម្តាយ​ឈ្មោះ អ៊ុក មាន​មុខ​របរ​ជា​កសិករ​តែ​មាន​ជីវភាព​ថ្លៃ​ថ្នូរ។
      អាយុ​បាន​៩​ឆ្នាំ ឪពុក​ក៍​បាន​នាំ​កុមារ​ នូ កន ​ទៅ​រៀន​វិជ្ជា​អក្សរសាស្ត្រ​ជាតិ​នៅ​វត្ត​អង្គ​ត្នោត ឃុំ​ និង​ស្រុក​ដដែល​នៅក្នុង​សំណាក់​ចៅអធិការ​នាមអ៊ិន។​ លុះ​ដល់​វ័យ​១៤​ឆ្នាំ​បាន​សាង​ផ្នួស​ជា​សាមណេរ​បាន​មួយ​វស្សា​ហើយ​បាន​លាចាក​សិក្ខា​បទ។ 

     ឆ្នាំ​១៩៤៧​ លោក​បាន​ទទួល​មរណភាព​ដោយ​ជរាពាធ​នៅ​គេហដ្ឋាន​របស់​លោក​ឯ​ក្រុង​កំពង់​ចាម​ក្នុង​អាយុ​៧៣ឆ្នាំ។ រូប​គំនូរ​ពាក់​កណ្តាល​ខ្លួន​របស់​លោក​ នូ កន​ តាំង​នៅ​វិទ្យាស្ថាន​ពុទ្ធ​សាសន​បណ្ឌិត្យ​ដាក់​ថា នូ កន( ១៨៧៤-១៩៤៧ ) ៕

លោក គយ សារុន

    

      លោក​ គយ សារុនជា​កវី​មួយរូប​ដែលមាន​ឈ្មោះ​ល្បីល្បាញ​នៅ​ចុង​ទសវត្ស​ឆ្នាំ​១៩៥០​ ដល់​ដើម​ទសវត្ស​ឆ្នាំ​១៩៧០ ។​ 

១.ប្រវត្តិ និងការសិក្សា

     លោក​ គយ សារុនប្រសូត្រ​ នៅ​ថ្ងៃ​ទី២២​ខែឧសភា​ឆ្នាំ​១៩៤០​ នៅ​សង្កាត់​លំចង់​ ស្រុក​សំរោង​ ខេត្ត​តាកែវ។​ នៅ​ឆ្នាំ​១៩៤៩​ លោក​បាន​ចូល​រៀន​នៅ​សាលា​ចាក់​អង្រែ​ រួច​បន្ត​ការ​សិក្សា​នៅ​វិទ្យាល័យ​ព្រះ​ស៊ីសុវត្តិ​ក្នុង​ទី​ក្រុង​ភ្នំពេញ​នៅឆ្នាំ​១៩៥៥។​ លោក​បាន​ទទួល​អនិច្ច​កម្ម​នៅ​ឆ្នាំ​១៩៧៥។ 

លោក នូ ហាច

I. ប្រវត្តិនិងការសិក្សា

      លោក​នូ ហាច​ ប្រសូត​នៅ​ថ្ងៃទី២៦​ ខែមិថុនា​ ឆ្នាំ១៩១៦​ នៅ​ឃុំ​កំពង់ព្រះ​ ស្រុក​សង្កែ​ ខេត្ត​បាត់ដំបង។ បិតា​របស់​លោក​មាន​នាម​ឃួន នៅ ចំណែក​មាតា​នាម​ឳរ មួច ពួក​គាត់​ជា​កសិករ។ នៅ​ពេល​លោក​មាន​វ័យ​គម្រប់​ចូល​រៀន​ បិតា​ក៏​បាន​យក​ទៅ​ឳ្យ​សិក្សា​នៅ​វត្ត​ក្នុង​ភូមិ​កំណើត។​ ក្នុង​ការ​សិក្សា​នេះ​ លោក​បាន​ចេះ​ចាំ​យ៉ាង​ស្ទាត់​ជំនាញ​ខាង​អក្សរ​សាស្ត្រ​ជាតិ​ និង​ចេះ​អាន​គម្ពីរ​សាស្ត្រា​យ៉ាង​ស្ទាត់​ជំនាញ​ទៀត​ផង។​

មក​ដល់​ឆ្នាំ​១៩៣២​ លោក​ក៏​បាន​ប្រឡង​ជាប់​ចូល​រៀន​នៅ​សាលា​អនុវិទ្យាល័យ​ស៊ីសុវត្តិ។​ លុះ​ដល់​ឆ្នាំ​១៩៣៩​ លោក​ក៏​បាន​ប្រឡង​ជាប់​មធ្យម​សិក្សា​ភាគទី១​ រួច​ក៏​បាន​បម្រើ​ការងារ​ជូន​ជាតិ​ជា​ចៅក្រម។​ បន្ទាប់​មក​ លោក​ក៏​បាន​ផ្លាស់ទី​លំនៅ​មក​រស់​នៅ​រាជធានី​ភ្នំពេញ​ ក្រោយ​មក​លោក​ក៏​បាន​រៀប​អាពាហ៍​ពិពាហ៍​អ្នកស្រីតាន់ រ៉េម​ និង​មាន​បុត្រ​ចំនួន​៨នាក់។ សព្វថ្ងៃកូនៗរបស់​លោកមួយ​ចំនួន​រស់នៅ​ប្រទេស​អាមរិក​ និងអូស្រ្តាលី។ នៅក្នុង​របប​កម្ពុជា​ប្រជា​ធិបតេយ្យ​(១៩៧៥ - ១៩៧៩)​ លោក​បាន​បាត់​ខ្លួន​មិនមាន​ដំណឹង។

លោកទី ជីហួត ( ១៩៥២ - ១៩៨៧)

     ថ្ងៃ​នេះ​ ប្លក់​សម្រាប់​កូន​ខ្មែរ សូម​លើក​យក​ជីវប្រវត្តិ​លោក ទី ជីហួត​ ដែល​ជា​កវី​ដ៏​ល្បីល្បាញ​នា​សម័យ សាធារណ​រដ្ឋ​ប្រជាមានិត​ខ្មែរ​ មកបង្ហាញ​អ្នក​សិក្សា​អក្សរ​សាស្ត្រ​ខ្មែរ ។

      លោក​ ទី ជីហួត​ កើត​នៅ​ថ្ងៃទី ១០​ ខែកុម្ភៈ ​ឆ្នាំ១៩៥២​ នៅភូមិ​ត្រពាំងស្លា ឃុំ​ត្រពាំង​សាប ស្រុក​បាទី ខេត្ត​តាកែវ។​ លោក​បាន​សិក្សា​ដល់​ថ្នាក់​ទី៣ ​ទំនើប​ជាតិ​នា​សាលា​អនុវត្ត ​(មុន​ឆ្នាំ១៩៧៥)។​ ចំពោះ​កម្រិត​វប្បធម៌​ លោក​អាច​អាន​ និង​សរសរ​ភាសា​បារាំង​បាន។ នៅ​ឆ្នាំ១៩៧២​ លោក​បាន​ចូល​ជា​សមាជិក​ក្រុម​អ្នក​និពន្ធ​ខ្មែរ ។