១.
ស្រណោះនំខ្មែរ(១) នំនៅស្រុកស្រែ ចម្ការថ្លៃថ្លា
យូរៗឃើញមុខ ទុកបានយូរថ្ងៃ នំមានតម្លៃ
រៀបការឆោមឆាយ។
២.
ស្រណោះនំខ្មែរ នំនៅស្រុកស្រែ កូនខ្មែរស្រស់ស្រាយ
ហូបមានកម្លាំង ប្រណាំងឈូសឆាយ ទឹកមុខសប្បាយ
កាយដីរាល់ថ្ងៃ ។
៣.
ស្រណោះនំខ្មែរ នំនៅស្រុកស្រែ នំអនាម័យ
នំផ្អែមត្រជាក់ នំអ្នកល្បាញល្បី នំមានទឹកដៃ
កម្រមានពីរ ។
៤.
ស្រណោះនំខ្មែរ នំនៅស្រុកស្រែ នំខ្មែរសំភី
នំពីដូនតា នំប្រពៃណី កូនខ្មែរបានឆី
ស្មារតីរឹងមាំ ។
៥.
ស្រណោះនំខ្មែរ មានពេលខ្លះដែរ ចូលក្រុងទាំងប្រឹង
លក់ពពាយនាយ ទាំងស្តាយទាំងដឹង លក់បានប៉ុណ្ណឹង
ប្រឹងលក់ទាំងថោក ។
៦.
ស្រណោះនំខ្មែរ ចាយពេលច្រើនដែរ នំឥតស្មោកគ្រោក
ចិត្តភ្ញៀវស្មោះស្ម័គ្រ ព្រោះស្អាតគ្មានរោគ រីករាយបរិភោគ
រាល់លើកស្រួលខ្លួន ។
៧.
តើមានអ្នកណា នឹកឃើញកាលគ្រា ម្តាយនៅថែស្ងួន
រស់ដោយនំខ្មែរ និងបន្លែសួន សុខភាពមាំមួន
នួនដល់សព្វថ្ងៃ ។
(១)
នំខ្មែរមាន៖ នំកន្តំ នំគម នំអន្សមជ្រូក នំអន្សមចេក
នំត្នោត នំជាល នំល្ពៅ
....
និពន្ធដោយវេជ្ជបណ្ឌិត
៖ ឃុន ង៉ែត ដកស្រង់ពីទស្សនាវដ្ដីសម្លេងស្ត្រីខ្មែរ
No comments:
Post a Comment