ព្រះសង្ឃនិមន្តបិណ្ឌបាត្រ

១. នៅតាមស្រុកស្រែស្រុកចម្ការ                           លេចតាមរុក្ខាមើលឃើញច្បាស់

ពណ៌លឿងភ្លឺថ្លាល្អត្រចះ                                      ឃើញហើយចិត្តជ្រះថ្លាបំផុត ។

២. ព្រះសង្ឃនិមន្តបិណ្ឌបាត                                ឃើញសមស្អាងស្អាតបរិសុទ្ធ

គួរនឹកដល់អង្គព្រះសម្ពុទ្ធ                                      ជាមកុដកំពូលសីលធម៌ ។

៣. នៅតាមទីក្រុងមនុស្សជោរជន់                          ព្រះសង្ឃនិមន្តត្រាច់គោចរ

បិណ្ឌបាតតាមផ្លូវដ៏អ៊ូអរ                                       ឃើញហាក់មិនល្អមិនសមសួន ។

៤. ព្រះសង្ឃនិមន្តផ្ទាល់លើដី                                អស់លោកប្រុសស្រីខ្មែរចិនយួន   

សុទ្ធយានជំនិះជិះរៀងខ្លួន                                    គាប់ជួនពេលខ្លះចង់ប៉ះផង ។

៥. ហ្នឹងហើយក្រុងធំមនុស្សថ្កុំថ្កើង                         ខ្ពង់ខ្ពស់ខ្លាំងឡើងជាចម្បង

នៅស្រែមនុស្សល្ងង់ទាមកន្លង                               តែសមគ្មានឆ្គងក្នុងឥរិយា ។

                                                        

ក្រុងតាកែវ ២៥ សីហា១៩៦៥