១. ក្នុងមួយជីវិតឥតប្រាថ្នាអ្វី ក្រៅពីសេរីដើម្បីសរសេរ
បើនិពន្ធតាមតែបញ្ជាគេ
ដូចយកម្ជុលដេរបិទមាត់ខ្លួនឯង។
២. តម្លៃទឹកខ្មៅនៅត្រង់សច្ចៈ ទោះគុកច្រវាក់មិនញញើតក្រែង
បើឃើញភ្លើងហើយបែរជាថាផ្សែង
គឺក្បត់ខ្លួនឯងមុនក្បត់អ្នកអាន។
៣. សុខចិត្តក្រីក្រមិនទ្រដុល្លារ មិនលក់អក្ខរាដូរវីឡាឡាន
មិនលូនឱនក្បាលធ្វើមុំចង្ក្រាន
ទោះជាចាកឋានខានឃើញអង្គរ?។
៤. បើទ្រាំនៅស្រុកចុកមាត់បិទភ្នែក ព្រមធ្វើជាសេកចាំតែបន្ទរ
ឬធ្វើអន្លូងចាំតែទូងស្គរ
មុខជាលើផ្នូរក្មេងលួចខាកស្ដោះ! ។
No comments:
Post a Comment